جمعة البيان الوزاري

منبلّش بآخر شي صار هالأسبوع. الأوليغارشية المزعوجة من الصحافي محمد زبيب حاولت تسكته، فبعتتله 3 أشخاص يضربوه. مؤشّر جديد لشو معقول تعمل السلطة بالناس يلّي عم تفضح ممارساتها. بس متل ما قال زبيب «ما رح نطاطي». أمّا الأسبوع، فبلّش ببهدلة رئيس أساقفة بيروت لتريّو الرئاسة. بس ما حسّوا حالن معنيّين بالموضوع فزقّفوله. ونواب التيار اعتبروا إنه الوعظة بتبشه خطاب القسم تبع عون. بركي صار وقت نزور كوكب التيّار. بعدين إجت جلسة مناقشة البيان الوزاري. اضطرّوا ينزْلوا كل شي في جيش وقوى أمنية ليأمّنوا وصول النواب على الجلسة. النواب كانوا مرتاحين لدرجة إنه منّن ناموا بالمجلس ومنّن إجوا عالموبيلات ومنّن وصلوا قبل ما يطلع الضو. وبري كان مرتاح لدرجة إنه سمح لـ17 نائب بدل 43 يحكوا، واتصل بالمستقبل والقوات والاشتراكية ليتأكد إنه رح يأمنوله النصاب وخلّص العملية كلها بيوم واحد. الحكومة أخدت ثقة 63 نائب. البروفيسور حسان دياب عمل باور بوينت بريزنتايشن ومحمد رعد بهدل الحكومة والبيان ورجع عطاها الثقة. من ميلة تانية، طلبنا رسمياً مساعدة صندوق النقد «التقنية» ليقلّنا شو لازم نعمل بالديون. لأن حكومة التقنيين يلّي عنا طلعت ما بتعرف شو بينعمل. متل ما مَنّا عارفة إذا لازم يندفعوا اليوروبوندز بآذار أو لا. وخلصوا الـ500 كلمة.


ميشال عون: التمييز في هذه المرحلة بين «الآدمي والسارق» ومقولة «كلن يعني كلن» يتلطّى وراءها السارقون وناهبو المال العام.

وكلمة «الآدمي» يتلطّى وراءها مين صار جزء من هيدي المنظومة وبعده مصرّ ينكر.

سعد الحريري: شو عملوا؟ يعطوني إنجاز واحد عملوه (التيار) للبلد وللاقتصاد.

أحلى إنجاز إنه تحالفوا معك وقضيتوا علينا كلكن سوا.

نبيه بري: أبدَيْنا الحرص على الحراك الحقيقي والمطلوب أن يبرّر لنا وللقضاء الاعتداءات على الجيش وقوى الأمن والنائب سليم سعادة.

المطلوب من برّي أن يبرّر لنا وللقضاء الاعتداءات التي قامت بها شرطة المجلس وبلطجية حركة أمل.

جبران باسيل: لماذا لم نتمكن من الإنجاز مع الحكومات السابقة؟ لأن الناس لم تكن في الشارع وكنا نرجوهم لينزلوا.

لما نزلنا بالـ2015 عملتوا مظاهرة ضدنا.

ما منخاف ما منطاطي، الأوليغارشية ع صباطي.

هذه الرسالة بلّوها وشربوا ميّتها.

الأمور مش ماشية وحان الوقت إنه هني يمشوا.

يلّي مش شرعي ومش قانوني هو السطو على حقوقنا ومدخراتنا وأجورنا.

سيُهزمون، سيُهزمون، سيُهزمون.

أقوال مأثورة لمحمد زبيب.

المتحدّث باسم صندوق النقد: السلطات اللبنانية هي التي ستتّخذ أي قرارات بشأن ديون لبنان.

نحنا ما منقدر ناخد قرار يا بايبي. نحنا جورة منتخانق مين بدّه يزفتها.

فؤاد السنيورة: يجب العمل على أن تكون التوجّهات السياسيّة والاقتصاديّة مصوّبة باتجاهها الصحيح.

مشان هيك خلّيك بعيد.

هني مفكرين إنه إذا بقيوا مثبتين سعر الصرف يعني الوضع طبيعي.

ما في حلّ إلا إنه تنزل الناس تاخد مصرياتها بالقوة السلمية.

إجوا بعد الحرب ما حطّوا خطّة اقتصادية، جمعوا كم مشروع هيك.

أقوال مأثورة لمحمد بزيع


يخطو لبنان إلى الأمام بقيادة الحلف المقدام الهمام إلى بوابة المستقبل الرغيد والرخاء الأكيد.

غدًا يناقش أكابر الثروات وأصاغر النزوات البيان الوازي، ببلاغة ميرابو وعناد روبسبيير وشراسة دانتون ودهاء لاروشفوكو وذكاء تاليران وثقافة لامبروزو وجبروت ديغول.

غداً سيجتمع هؤلاء وسيقولون في البيان الوزاري ما لم يقله المتنبّي في كافور والرومي في عمرو.

أقوال مأثورة من المقدّمة الملحمة للـotv


«لما يكون صوتك عم يقطّش بتكوني عم تكذبي كذبة بيضا».

(عن أهمية تقطيش الصوت بكشف طبيعة الكذبة، من مسلسل لبناني رصين)


حكومة المصارف: إللي شبكها يخلّصها

لكنّ الحكومة لا تزال تعيش في الماضي، فتغوص في إرث الاقتصاد الرَّيْعي أكثر، مضيفةً الضرائب على القيمة المضافة، وراشقةً إيّانا بوعودٍ شعبويّة الطابع على غرار خفض رواتب الوزراء والنوّاب، وكأنّ تركيب حسّان دياب لعدّاده الخاص ودفع نفقته هو عمل بطولي.

أصحاب الذاكرة: لا ثقة

لكسر احتكار النظام للزمن وما إن ينجرّ النيام نحو الفتنة، حتى تُكنّى المجازر بـ«حوادث» و«أحداث» ذاكرة الاقتصاص هي أيضاً نقيض لذاكرة أحزاب السلطة «براءة» الأكاديميين الخبيثة التي تريد إقناعنا بأنّهم ليسوا استمراراً للنظام