جمعة الورقة الأمنية

من بعد شهر تقريباً بالشارع، قرّرت السلطة تطلّع هالأسبوع الورقة الأمنية. استشهد علاء أبو فخر بخلدة قدام عيون مرته وإبنه. القاتل عسكري وقيادة الجيش طلّعت بيان يا ريت ما طلّعته. الجيش كمان اعتقل عشرات المتظاهرين واعتدى عليّن بالضرب. شبّيح حاول يقوّص على الناس بجل الديب، وواحد تاني كان عم بيوزّع سلاح. شهر ما توقف فيه ولا أي معتدي على المتظاهرين ببيروت، لا بل واحد منن استضافوه التلفزيونات. وما تحاسب أي عنصر أمني على العنف.
هيدا الأسبوع كمان كان مميّز بالإطلالات التلفزيونية. حاكم مصرف لبنان، السيد نصر الله، ظهور النبيه ومقابلة تاريخية لرئيس الجمهورية. كما إنه أعلن عن الاتفاق على مكافحة الفساد بتعيين محمد الصفدي رئيس حكومة. وما تغيّر شي بخصوص الـ500 كلمة.


رجعت تسكرت الطرقات بكل لبنان من بعد مقابلة الرئيس.

ولانا مدوّر ما قدرت تعمل حلقة من برنامجها لأن ما وصلت ع «الميادين».

جماعة التيار حاملين خبرية تسكير الطرقات ودايرين فيها تحذير من «الحرب الأهلية».

بس ما بيأثر إذا مناصر إلن نزل يقوّص عالناس.

موظفين ألفا وتاتش مأضربين. المستشفيات مأضربين. موظفي المصارف كمان.

يا جماعة بليز بلاها. قَلنا الرئيس إنه «السلبية بتجرّ السلبية».

ميشال عون: معالجة أسباب التحركات الشعبية ستكون أولى اهتمامات الحكومة.

المهم ما تكون مفكر إنه الأسباب هيي اللي عم يحكوا عنها الـotv.

بري: منذ العام 1963 أطالب بدولة مدنية وإلغاء الطائفية السياسية.

وتاريخك بيدلّ ع تمسكك بهالمطلب.

السيد نصرالله: العلاقة التجارية مع الصين هي خط أحمر بالنسبة للإدارة الأميركية.

بتحس لبنان هوي ماسك اللعبة ع كل الكوكب بعد هالتصريح.

جبران باسيل: اللحظة الآن لتشكيل حكومة تستجيب للناس.

قام قرروا يسمّوا محمد الصفدي رئيس حكومة.

البطريرك الراعي طلب من المدارس والجامعات ما يزيدوا الأقساط وطلب من الدولة تساعد الأهالي بدفعها.

فيها الكنيسة كمان تساعد.

السنيورة: مقاضاتي تعني مقاضاة الحريري وميقاتي وسلام.

من تمّك لبواب السما.

إبراهيم كنعان: طرحنا الأساسي هو حكومة إختصاصيين.

قام قرروا يسمّوا اختصاصي نهب أملاك عامة.

نبيل نقولا عن توزيع السلاح بجل الديب: الشخص كان يُنزل بندقية الصيد إلى بيته.

هوّي موسم الصيد ولعان هالفترة.

بشار الأسد: التظاهرات في لبنان لا تشبه ما حصل في سوريا.

انهاروا جوزيف أبو فاضل وسالم زهران ولانا مدوّر بعد التصريح.

مراسلة: مين انتخبت، سلطة؟

مواطن: إيه، وفي كتير من أصحابي تزوّجوا وتطلّقوا، عادي.

مراسل: حجّة، عم بتطالبي بدولة علمانية؟

الحجة: إيه طبعا. لأن حجابي لوحد والدولة لوحد.

مجموعة أقوال مأثورة من الثورة.

رابعة الزيات: كنت مع الحراك في أيامه الأولى لكن البوصلة ضاعت.

وإذا قام زاهي ولقاها؟

علي مرتضى: أين هيبة الجيش؟

هيّاها واضحة كل الأسبوع بكل المناطق.


بالأخبار الفنية،

إليسا أعلنت رفضها لحكومة رئيسها الصفدي.

شربل خليل معتبر إنه آثار الضرب على ضهر متظاهر سببها «الميليشيات» يلي راكبين ع ضهر الثوار.

سالم زهران عم بيعيّط علينا ع كل الشاشات.

زين العمر انهار بالبكي لأن ما بيتحمّل يسمع كلمة عن papa.

«تذكري لما كان يجي ليبوسك إنه شفافه كانوا يبقوا ع شفافي أنا».

(عن أهمية الذاكرة، من مسلسل لبناني رصين)


يسقط الوزير القادم

بورصة أسماء المستوزرين يطالب ولا يفاوض من خارج الأحزاب الحاكمة طبيعة المرحلة الانتقالية لتمرير مرحلة انتقالية طريق الثورة طويل يخدم أولويات الثورة ألا تذكرون وزراء ثورة اعتراضية رقابية دائمة

عودة الحرب؟

لم تعد الفتنة كافية الحرب الأهلية هي كل ما يهدّد مواقعهم خيال السلطة لحماية هيكل الجمهورية تحذيرًا من الفراغ استهدافًا لجماعةٍالمقابر الجماعية عودة نظام الحجز