جمعة عودة البطل

خلصت السنة وشكلها الـ2020 رح تخلّينا نترحّم ع اللي قبلها. بأوّل 3 إيام، توفت الإعلامية نجوى قاسم. صدرت مذكرة توقيف بالدكتور عصام خليفة لأن فضح رئيس الجامعة اللبنانية المزور شهادته. وتحقق مع ربيع الأمين عن جديد لأن مروان خير الدين ما عجبه التحقيق أول مرة، وتمّ استدعاء نضال أيوب للتحقيق بدعوى من المدرسة الإعلامية حسين مرتضى. أما هايلايت الأسبوع، فكان عودة كارلوس غصن للـLibanity وهروبه من اليابان لبيروت، شي بيقول بكرتونة، شي بيقول بطيارة خاصة. المهم حقق حلم جبران باسيل بعودة المنتشرين لوطنن الأم. الحكومة بعدها علقانة بعقد بتلبق لخطورة المرحلة: الدروز شو بدّن، السنّة شو بدّن. وأنا بعدني علقانة بـ500 كلمة.


اعتصمت عدّة مجموعات بالمصارف ورفضت تفلّ قبل ما يسحبوا المودعين مصرياتن.

هيدا كان أحلى شي صار هالأسبوع.

تمّ إحراق بنك بيبلوس براس المتن وتكسير بلوم بنك بحلبا.

والناس مقسومة بين «لأ ما بيصير هيك يا جماعة» وبين «أقل شي نحرقن على يلّي عم يعملوه فينا».

لجنة الاتصالات أوصت إنه ما يتمدّد لشركتي ألفا وتاتش ويرجع القطاع للدولة.

وقد لوحظ محمد شقير وحيداً يبكي في مكتبه في الوزارة.

الإنتربول أصدر مذكرة توقيف بحق كارلوس غصن.

بس لبنان ما رح يسلّمه لأن كارلوس رفع إسم لبنان بالعالي (لو رجع مرمغه بعدين).

شاب يدخل مطعمًا ويستولي على شيش شاورما.

المهم يكون أخد معه أكسترا توم.

لازم شيل تلات كلمات: العرصه، كس إمك وإسحلك.

ما بدي وجهله رسالة.

أقوال مأثورة من الثورة

الخليلين سمّوا الوزرا الشيعة، باسيل سمّى وزرا التيار، فرنجيه وزير المردة، والطاشناق وزرا الأرمن.

وحسان دياب مبسوط إنّه عم يألف حكومة إختصاصيين مستقلين.

جبران باسيل: لازم نتحرك ع أول السنة لكشف مصير الأموال المهربة.

هيدا ع نسق التحرك تبع محاسبة وزرائكن بعد 100 يوم إذا ما عملوا شغلن؟

علي حسن خليل: اتفقنا على توزيع الوزارات وعلى الهيكل العام للتشكيل.

كأنن عم بيحضروا menu راس السنة مش عم بيشكلوا حكومة.

الياس بوصعب: أنا مع الدولة المدنية ولا أتمنى أن نعدّ مسلمين ومسيحيين في الانتخابات.

جبران باسيل بكي من جمال قولك.

ريا الحسن: الاعتقالات شملت أشخاصًا من غير الثوار.

3 مقابل 528 بأوّل شهرين.

فارس سعيد: أرشّح كارلوس غصن إلى رئاسة الجمهورية. لبنان بحاجة إلى إبداعه.

نو ووندر فارس سعيد بقي وحده بـ14 آذار.

ما بيخلص وقت لبنان.

ثقيلة على قلبي إنه إسرائيلي يقلّي سيّدتي العزيزة ولو كان للاحترام. ثقيلة إنه كون عزيزة على الإسرائيليين.

أقوال لنجوى قاسم

مدير أخبار الـotv: بالإذن من الجميع، ثورة وسهرة دونت ميكس.

لأن سليم جريصاتي وإصلاح وتغيير ميكس.

«إسم عصفت به الثورة… قلب الطاولة فجرفه التيار إلى المعارضة؟»

دعاية لمقابلة مع جبران باسيل على الجديد التلاتا. بتقول كتابة شكري أنيس فاخوري.

بالأخبار الفنية،

ميشال حايك: للثورة ملكة جمال.

إلا ما الـmtv يحطوا إيدن.

ليلى عبد اللطيف: الدولار يتخطى عتبة الـ 3 آلاف ليرة في فترة محددة.

إذا رياض ما بيعرف، ليلى بتساعده.

مايك فغالي: سنة 2020 ستشهد اختفاء الدولار الأميركي.

كأن مايك فغالي بينسّق بأوقات الفراغ مع إيران.

“-أنا ما بخبي شي عن زوجي. الصراحة سر العلاقة الناجحة.
– كيف الانسان بيرجع يحبّ؟
– بالمعاملة المنيحة والإخلاص”.

(إيتيكيت العلاقة الناجحة، من مسلسل لبناني رصين)

جمعة المصارف حاجزة مصريّاتنا

عرفنا بـ7 حالات انتحار إجراءات ليأمّن ربح للمصارف شتّت ومتل كلّ مرة ما قدرنا نسحب معاشاتنا مين نادين لبكي؟ عنّا نقص بالسيولة ما لم يأخذه عدونا إنت باسم مين عم تحكي؟ زين العمر طلعله أوتوغراف

جمعة ما حدا بيعرف

حدا بيعرف إذا تمّ تهريب أموال منعرف إنه فتنا بمرحلة الإنهيار هيدي “كريزة” ورح تخلص «الطائفة بخطر» قد نص ما بيشتغل جبران ولا أطلب شيئاً لنفسي حكومات «لعيون صهر الجنرال» وأنا ما بيهمّني غير الجبل بدي معاشي كلّه