جمعة مندفع أو ما مندفع

الثورة نعت شهيدها السادس أحمد توفيق، يلّي انصاب خلال مواجهات مع الجيش بطرابلس. محمد الحوت قرّر يصير يدفّعنا حق التيكيت بالدولار بس تراجع دغري عن قراره مع إنه بيستاهل كل دولارتنا قد ما خارقة هالميدل إيست. رندة بري قررت تشيل الخيم عن شط الجمل بصور لأن كان بعد فيه هلـ51% ما حطّت إيدها عليّن. الحريري وجبران طلّقوا بس جبران بعده متأمّل يرجعوا لأن «لو حبّنا غلطة تركنا غلطانين». قرطة المصارف باعت سندات الدين لصناديق أجنبية لتضغط على الدولة لتدفع اليوروبوندز. وبس عرفوا إنه الدولة معقول ما تدفع، صاروا يوم إيه يوم إيه اجتماعات وتصريحات عن ضرورة الدفع و«سمعة القطاع المصرفي». وإذا ما صرّحوا هني، الأخوين غانم بيصرّحوا عنن. السيد نصرالله بدّه يانا نقاطع البضاعة الأميركية لأن برأيه أميركا مسؤولة وحدها عن الخرا يلّي نحنا فيه، والقرطة يلّي صرلها 30 سنة عم تنهب البلد ما إلها علاقة بالموضوع. زارنا وفد من صندوق النقد وقال نحنا منقرّر شو لازم نعمل. كأن لو منعرف ناخد قرار كنا استعنّا فيهن. بس مش مهم شو بيقولوا لأنّ البروفيسور شكّل لجنة طوارئ وهي حالياً عم تحضّر الباور بوينت. شبيحة مروان خير الدين اعترفوا إنن اعتدوا على محمد زبيب بقرار فردي. وطبعاً مروان عمل فيها الآدمي المصدوم من تصرّفاتن وسلّمن للقوى الأمنية، متل كأنن شي غرض عنده. ومسك الختام كانت مظاهرة التيار قدام مصرف لبنان. المنظمين بدّن يعرفوا وين راحوا المصاري بعد 17 تشرين ومناصرينهن بدّن يعرفوا وين الحمرا وليه هلقد هيي شي إكزوتيك. ولتكمل، قرّروا الاشتراكية ينزلوا بوجهن لأن ممنوع حدا يقرّب ع بيت «وليد بيك» ولأن «رياض سلامة أشرف واحد بالبلد». المهم تسلّينا كم ساعة وهنّي سمعوا كلمة الجنرال وعملوا سياحة داخلية. بعد عندي قصص قولن بس خلصوا الـ500 كلمة.


عون: هناك إجراءات سنتّخذها ليتحمّل المسؤولية كلّ من ساهم بإيصال الأزمة إلى ما وصلته.

منفهم منك إنه بدك تعمل الإبراء المستحيل- الجزء الثاني؟

جبران باسيل: لا للمسّ بأموال الناس قبل معرفة مين بعد 17 تشرين حوّل أموال ولازم إعادتها.

طيّب يلّي مسّ بمصرياتنا قبل، هيدا منسامحه؟ مغفورة لك خطاياك يا سيدروس بنك؟

أكبر غلطة إنه لغيوا خدمة العلم. طلع جيل بلا تربية ما بيحترم حدا.

هيدي قصّة الجوع شيلها عيب. هولي كلّن كذّابين.

وينن ما نزلوا عالمصرف؟ ما شفنا حدا.

أقوال مأثورة لمناصري التيار الوطني الحر.

الحريري: البنوك مدينة بـ 55 مليار للقطاع الخاص، فهل هذا اقتصاد ريعي؟

عزيزي، ديّنوهن ليطلعوا ببنايات ويعملوا عمليات تجميل. هل هذا اقتصاد منتج؟

برّي استغرب أن يدفع اللبنانيون ثمن الأزمة من خلال عملية امتصاص ودائعهم وفلتان الأسعار.

يسلملي يلّي قلبه علينا لدرجة بيبعت شبّيحته كل ما نفتح تمنا.

وليد جنبلاط: علينا الاستمرار مع الحراك المسؤول في محاولة إنقاذ الدولة.

عزيزي، إنت من يلّي لازم يزيحوا لنقدر ننقذ الدولة.


لما منعرف إنه معنى كلمة لبنان هي قلب الله ما عدت شوف لبنان على الأرض.

لمّا الإم بيجيها ولد بتشوفه أجمل ولد بالعالم وأنا هيك بشوف لبنان.

نحنا وماشيين عليه ما بيقول آخ، نحنا وعم نخبّط عليه ما بيقول آخ.

أقوال مأثورة لنجوى كرم


«يوم اللي ما كنت شوفها، كان نهاري تعيس وليلي حزين وطويل. بطول ساعات الحزن. أنا بعدني مغروم فيا متل إيام الأمل والأحلام الحلوة».

(عن طول ساعات الحزن، من مسلسل لبناني رصين)


عارف ياسين، الرجل الذي أتى من تحت

وصول جاد تابت من فرنسا «بيروت مدينتي» «الخيار المهني» «نقابتي للمهندسة والمهندس» فاز جاد تابت بفارق 21 صوتاً، 4079 صوتاً لجاد تابت مقابل 4058 لنجم واحداً فقط كان يعمل في شؤون النقابة اليومية، وهو عارف

لماذا اكتسحت «النقابة تنتفض»؟

أكبر ائتلاف انتخابي على مستوى الوطنشوارع الثورة إلى داخل المؤسساتلجنة المعاييرلجنة البرنامج الانتخابيلجنة التواصل والإعلاملجنة التشبيك والعلاقاتلجنة الماكينة الانتخابية