جمعة الموازنة

أقرّ مجلس النواب موازنة 2020 يلّي عملتها حكومة الحريري. أمّنت كتلة المستقبل النصاب للجلسة مع إنها معارضة حكومة دياب، وصوّتت ضد الموازنة يلّي عملها رئيس تيار المستقبل. وفي ناس مستغربة ليه الحريري فاشل بالسياسة. الجلسة كانت تاريخية: كان في أمن أكتر ما في ناس، 3 ساعات بس لمناقشة وإقرار موازنة بلد مفلّس؛ 5 نواب انسمحلن يحكوا؛ والأرقام يلّي توافق عليها ما إلها طبعاً أي علاقة بالواقع. وع سيرة الواقع، طلّوا علينا جماعة المصارف ليأكدولنا إنه الوضع تمام عالكوكب عندن و«لا داعي للهلع»، وكل المصايب هي «حملة مصطنعة» ع أنجح حاكم مصرف وجمعية مصارف عرفهن التاريخ. التاريخ يلّي بيكتبه جورج غانم أكيد. غير هيك رواق. الأسعار عم تزيد كلّ أسبوع بشكل خيالي، رح نصير قريباً بلا كهربا بس مش مهمّ طالما في مي خريش بحياتنا. ويلا رح بلّش قبل ما يخلصوا الـ500 كلمة.


ترامب أعلن صفقة القرن والكلّ اعترض عليها إلا نديم قطيش.

والصفقة رح تسقط بقوّة جبران باسيل وخطاباته بالقمة العربية.

رياض سلامة: سعر صرف الليرة سيبقى بحدود 1500 ليرة للدولار.

نسي يقول إنه رح يبقى هيك بالمصارف بس.

رئيس جمعية المصارف: لا خوف على الودائع في المصارف اللبنانية.

إنت عارف إنه كل ما تطلع تطمّنا منخاف أكتر.

نبيه برّي لمناصري حركة أمل: أدعوكم إلى الهدوء وترك الشارع وابقوا في الداخل دعاة حوار.

متل الحوار الهادئ يلّي صار بين الشباب والمتظاهرين قدّام مجلس الجنوب.

بدكن تدعوسونا دعوسونا، بس نحنا رح نبقى هون.

شو عم بعمل؟ عم قصّر البنطلون.

ما منخاف وما منطاطي، عوني الكعكي ع صبّاطي.

أقوال مأثورة من الثورة

ميشال عون: لبنان يعمل على توجيه الإنتاج كي يكون صناعياً وزراعياً.

حبيبي يلّي تذكّر بالـ2020 إنه لازم يكون عنّا إقتصاد منتج. ما خلّوك تشتغل قبل منعرف.

وليد جنبلاط: يبقى على الحكومة طرح الإصلاحات الجدية وفي مقدّمها قانون استقلالية القضاء.

وبتوعدنا إنت كمان ما تعود تتدخّل بالقضاء؟

سعد الحريري: هذه مدرسة رفيق الحريري ولن نحيد عنها مهما اشتدّت الصعاب.

لأ بليز زيح عنها تيبقالنا شي بهيدا البلد.

جبران باسيل: عمّمنا فكرة Lebanity وساهمنا في نشرها عبر 16 مؤتمرًا للطاقة الاغترابية.

آي ووندر إذا وصلتله لكارلوس غصن.

نقابة الصحافة: التعرّض للمصارف اللبنانية جريمة وطنية موصوفة.

الجريمة هيّي إنكن تحكوا بإسم الصحافة يا بايبيز.

مارون ناصيف: فينا نعرف مين عم بيموّل المتظاهرين لشراء أقنعة الغاز بهالوضع الاقتصادي الدقيق؟

لانا مدوّر: الأغبياء الذين يساوون بين خسارة أرض بحجم فلسطين، مع مطالب معيشية في بلدانهم، هؤلاء لا نقاش معهم… أبداً.

أقوال مأثورة من الإعلام

سليم سعادة: المصارف كانت راكبة على المودع والمودع كان راكب على وهم إنه كلّه تمام.

سليم سعادة عمل استعراضه السنوي وبرش الموازنة ورجع صوّت مع.

أنطوان حبشي: أوجيرو بتدفع تأمين عماد كريدية الشخصي وغراض السوبرماركت تبع مدير عام وزارة الاتصالات.

بيستحقوا لأن عنّا أسرع إنترنت وأرخص فاتورة إتصالات بالعالم.

جوليا بطرس تعليقاً ع صفقة القرن: بيتي هنا، أرضي هنا، البحر السهل النهر لنا.

عزيزتي الفنانة الثائرة، بيتك بلبنان استحلا تكتبي شي عنّو من 17 تشرين لهلق.

«بعرفك لقيطة بنت حقلة ما عندك لا أصل ولا فصل. عقربة خبيثة ومسمّة. فقيرة فلاحة طالعة ريحة التراب من تيابك. عاهرة، بندوقة الضيعة. سفيهة، بشعة، حاطّة راسك بالوحل».

(بس تستعين بقاموس لتكتب سيناريو، من مسلسل لبناني رصين)

عارف ياسين، الرجل الذي أتى من تحت

وصول جاد تابت من فرنسا «بيروت مدينتي» «الخيار المهني» «نقابتي للمهندسة والمهندس» فاز جاد تابت بفارق 21 صوتاً، 4079 صوتاً لجاد تابت مقابل 4058 لنجم واحداً فقط كان يعمل في شؤون النقابة اليومية، وهو عارف

لماذا اكتسحت «النقابة تنتفض»؟

أكبر ائتلاف انتخابي على مستوى الوطنشوارع الثورة إلى داخل المؤسساتلجنة المعاييرلجنة البرنامج الانتخابيلجنة التواصل والإعلاملجنة التشبيك والعلاقاتلجنة الماكينة الانتخابية