جمعة ثورة الطلاب

بلشت السفارات هالأسبوع بتمويل تلاميذ المدارس والجامعات، وسط استنكار شديد من الراهبة منى وازن والـotv. آلاف الطلاب صرلن 4 إيام بالشارع، بس طبعاً بيطلعوا كلن «شلعوطين» قدام عدد الناس اللي طلعت عبعبدا. بهالوقت الحريري نهار بيستقبل باسيل، نهار بيزور عون لأن ما في شي مستعجل. وبما إنه صاروا كلن بدن يكافحوا الفساد، قرر القضاء يتحرك وبلش يستدعي وزرا وموظفين رسميين عالتحقيق. على الصعيد الفني، كان أسبوع مميز بذكا سمير صفير وزين العمر. ورغم كل محاولاتي لقلب المعادلة، بعدني مجبورة بـ500 كلمة.


التظاهرات وين ما كان. قدام المدارس، وزارة التربية، الجامعة اللبنانية بالحدت، الـaub، قصر العدل، شركة الكهربا، الإيدن باي، مصرف لبنان وشركة تاتش وألفا.

اللي عم يصير ما بيشبه شي عايشينه قبل، بس جورج غانم شايف فيها حرب أهلية.

طرطقة الطناجر صارت طقس يومي بالشوارع وبالساحات.

بس سالم زهران شايف فيها حرب أهلية.

‏الرئيس عون: الحكومة العتيدة ستعمل على تطبيق الورقة الاقتصادية التي أقرّتها الحكومة المستقيلة.

كأن فخامته ما سمعنا عم نغني «ورقة إصلاحك ما إلها عازة، بِلها بشاي شاي شاي».

الشيخ نعيم قاسم: علينا أن ننتبه إلى سارقي الحراك.

إنتو انتبهوا ع معاشاتكن ونحنا منعمل شغلنا.

نبيه بري: مصرّ على تسمية الحريري لرئاسة الحكومة.

المهم ما تصر عليه متل وقت كان بدك تمنعه يستقيل.

برّي دعا لجلسة مجلس نواب التلاتا الجاي، ع جدول أعمالها ضمان الشيخوخة.

ادفعوا بالأول المليارين دولار اللي مكسورين فيهن للضمان.

سليمان فرنجيه: كونوا جاهزين لحماية صحتكم وبيئتكم وصون كرامتكم.

من بعد جهد جهيد عرفنا إنه عم يحكي عن أزمة النفايات بزغرتا. صح النوم إنت كمان.

أكرم شهيب: عودوا إلى المدارس وتظاهروا بعد الظهر.

عزيزي، هيدي ثورة على الدوام كمان.

رياض سلامة: إنّ وضع لبنان صعب للغاية بسبب الحراك، حيث يتم قطع الطرق وتنقطع الاتصالات.

عزيزي، الوضع صعب لأن في ناس متلك مستلمين السلطة.

بيار رفول: هناك مجموعات إرهابية دخلت إلى الحراك.

للتذكير، بيارو توقّف بسيدني لأن طلع بسيارته ع متظاهرين.

بدري ضاهر: مقتنع بأن الرأي العام هو أفضل وسيلة للتقييم خصوصًا بلبنان لأنه بلد صغير وكل الناس بتعرف بعضها.

ما هوي لأن هيك، الناس عم تقول «كلن يعني كلن وبدري واحد منن».

نقابة المستشفيات بدّن يوقفوا يستقبلوا مرضى لأن ما دفعولن مصرياتن. نقابة مستوردي النفط رح يوقفوا يشتروا بنزين لأن رياض سلامة ما التزم بوعوده.

الحق أكيد على الناس اللي بالشارع.

«بدي قلها لإمي إنه ما عملت امتحان الـsvt».

«ماما إذا عم بتحضري أنا مش جايي عالبيت».

«ضحكتوا على أهلنا بس ما فيكن تضحكوا علينا».

«مش رايح إتعلم تاريخ، جايي إكتبه».

مجموعة أقوال مأثورة من الثورة.

الـotv اتهموا التلاميذ إنّو عم يقبضوا 10$ (ما عرفنا ع أي سعر صرف) ليشاركوا بالمظاهرات من بعد ما اخترق الإسرائيليين تلفوناتن وجنّدوهن لصالح الثورة.

بعد ناقص يستعينوا بالمخلوقات اللي بتحكي معن مريم نور.

جوزيف أبو فاضل معتبر إنه هيدي ثورة «لواط ع مثليين»، ودعا كل لوطي يعمل «معبد لحاله بالبحر».

جاري البحث عن أسباب عقدة جماعة التيار من اللواط.


بالأخبار الفنية،

إليسا هيي قائدة الثورة ع تويتر.

زين العمر جرّب يبوس حليمة طبيعة فدفشته. تاني نهار باس جويس عقيقي.

سمير صفير قال إنه تلاميذ المدارس عم ياخدوا مخدرات لينزلوا على المظاهرات.

«نحنا تنين يا رمزي؟ وأنا عم بسعى لنصير واحد. روق وما تخلّي بخار الكاس يطيّر شو في بالراس.»

(عن أهمية مكافحة أضرار الكحول على العلاقة، من مسلسل لبناني رصين)


عارف ياسين، الرجل الذي أتى من تحت

وصول جاد تابت من فرنسا «بيروت مدينتي» «الخيار المهني» «نقابتي للمهندسة والمهندس» فاز جاد تابت بفارق 21 صوتاً، 4079 صوتاً لجاد تابت مقابل 4058 لنجم واحداً فقط كان يعمل في شؤون النقابة اليومية، وهو عارف

لماذا اكتسحت «النقابة تنتفض»؟

أكبر ائتلاف انتخابي على مستوى الوطنشوارع الثورة إلى داخل المؤسساتلجنة المعاييرلجنة البرنامج الانتخابيلجنة التواصل والإعلاملجنة التشبيك والعلاقاتلجنة الماكينة الانتخابية