الحكومة عم تدرس موازنة 2020 ولاقت أفضل حلّ تحط ضريبة عالأونلاين كولز، البنزين وتزيد الـTVA. فكرتها رح تمرق، ما مرقت. بس هيدا الأسبوع شهد كمان أكبر عدد حرايق بلبنان، 105 بكل المناطق. جماعة الحكم طبعا غابوا عن السمع وبس حضروا، حضروا ليهاجموا بعض وجرّبوا يقطفوا ع ضهر الناس. ع يومين شفنا لبنان عم يولع، حرفيا، وما حدا قادر يتحمّل مسؤولية ولا حدا أكيد عم يتحاسب.
وزير الاعلام: «20 سنتاً باليوم على «الواتساب كول» أقرت في الحكومة ويبدأ العمل بها في 1-1-2020».
رئيس الحكومة في 15/9/2019: «الفكرة الاساسية في موازنة العام 2020 تكمن بعدم زيارة الضرائب وكيفية زيادة المداخيل».
وزير الاعلام: «الاقتراح الذي سيدرس بالنسبة للـTVA بأن نزيد 2٪ في العام 2021 و3٪ في العام 2022 لتصبح 15% مثل معظم دول العالم».
وزير المالية في 5/9/2019: «ما في ولا ضريبة على الإطلاق. ما في زيادة ولا أي رسم على المواطنين. ما في زيادة لا عالبنزين ولا على الـtva»
وزير الاتصالات: لن أصدر هكذا قرار إلا وأعطي بمقابل الـ20 سنتاً أمراً هاماً والمواطنين ما رح يكونوا زعلانين».
وزير الاتصالات في 28/5/2019: »لم أقل أبداً أنني أسعى لوضع رسم على مخابرات الـ"واتساب».
وزير البيئة للبنانيين: «إدفعوا ضرائبكم حتى لو تعلمون أن هذه الضرائب ستسرق/ستنهب فيما بعد».
رئيس الجمهورية في 14/5/2019: «أعيدوا إلى اللبناني ثقته بدولته. أثبتوا له أن تضحياته لن تذهب سدى في مسالك الهدر والفساد الوعرة».
وزير الشباب والرياضة: «تحفظنا على ضريبة الواتساب ونحن مع فرض ضرائب على الكماليات فقط».
حسن نصرالله في 25/5/2019: « لن نعرقل إصدار الموازنة بالرغم من أن هناك نقاط نرفضها لأنها تمس بالشعب اللبناني وذوي الدخل المحدود».
وزير الاتصالات: «بطلب من دولة الرئيس، الفكرة اللي كنا عم نحكي فيها طلب نسحبها وما نفكر فيها».
يا ريت طلب منك كمان تلغي كل أفكارك اللمبة وتركّ ع أكل الشوكولا والراحة بالبيت.
أكرم شهيب ومرافقينه هجموا على المتظاهرين وقوصوا بالهوا. شهيب قال اضطر يقوص لأن كان معه بالسيارة بنته «اللي هيي خريجة aub».
لو خريجة لبنانية كنتوا مرقتوها يعني؟ وصحتين ع قلب مرافقك اللي أكل لبطه بمعدته من سيدة لطيفة ما رح ينساها بحياته.
الناس نزلت تتظاهر بكل المناطق: جونيه، طرابلس، النبطية، عكار، صور، صيدا.
وأخيرا #لبنان_ينتفض
«بيي ضويلي المي السخنة، صار كلني شحتار».
«الست رنده بري، إذا الواحد بده يفوت عالحمام، إذا مش مستفيدة منه، ممنوع يفوت عالحمام».
«لو يسوع يبنزل بذات نفسه ما منمرقه».
«وين مصداقية سعد الحريري اللي صرف 16 مليون دولار ع عارضة أزياء وتركنا نحنا موظفينه»
مجموعة أقوال مأثورة من الحراك.
الـotv حطوا كل الليل برنامج الطبخ «ع نار لطيفة».
ع أمل يحطولنا أبراج اليوم.
نوال بري: «قالوا الواتس أب رح يبطل ببلاش، انتفضت العالم».
المهم الناس انتفضت عكبير العيلة.
رندة المر: «فخامة الرئيس، إحمل دلو مي وجافيل، وأشطف كل هالزبالة».
فكرة رائعة للتخلص من أزمة النفايات.
جويس عقيقي: «نوعية الناس اللي كانت موجودة بالشارع الساعة 10.30 اختلفت الفجر».
الـmtv دايما بيهمها النوعية.
-
بتاكلي بصل؟
-
إيه. ما تقلي إنك بتعتقد إنه البصل محرّم على أنفاس النساء؟
-
لا. بس هاي أول مرة بشوف أنثى بتاكل بصل.
-
أنا مرا حرة ما بحبّ إخضع لقيود المجتمع.
